ILOILO CITY – Nagpirma sang Memorandum of Agreement (MOA) ang MORE Electric and Power Corporation (MORE Power) kag Commission on Elections (COMELEC), agud masigurado nga wala may magluntad nga power interruption sa May 12, 2025, elections.
Sa interview sang Bombo Radyo kay Mr. Roel Castro, President kag Chief Executive Officer (CEO) sang More Power, may yara sang masaligan nga supply sang kuryente antes, samtang, kag pagkatapos sang eleksyon.
Suno kay Castro, ginaplano man sang kompaniya nga magpahamtang sang dedicated support teams kag representatives nga mangin available para sa mga COMELEC officials sa adlaw mismo sang eleksyon.
Dugang pa sang natungdan, ipatuman man nila ang mga kinahanglanon nga preventive maintenance kag magahatag man sila sang technical support sa mga election centers bilang preparasyon sa piniliay.
Ini nga kasugtanan ang nagapabakod sang katawhay kag kalinong sa tion sang eleksyon, kag ginapasangkad paagi sa masaligan nga serbisyo sang kuryente.
