Nagnubo ang presyo sang tamudyos inadlaw antes ang ginapanan-aw nga price hike nga matabo sa Semana Santa.
Suno kay Department of Agriculture (DA) spokesman Arnel de Mesa, naka-rekord ang ahensya sang P60-per-kilo decrease sa presyo sang tamudyos nga subong ginabaligya sa presyo nga P240 per kilo halin sa P300 per kilo nga presyo sang nagligad nga bulan.
Nagpabilin naman nga estable suno sa iya ang presyo sang iban nga isda sa merkado.
Sa masunod nga semana ginalantaw magahulag ang presyo kadungan sang Huwebes Santo kag Byernes Santo
Tipikal nga nagasaka sang 15 tubtub 30 porsyento ang presyo sang mga isda sa Holy Week bangud nagalikaw ang mga Katoliko sa pagkaon sang karne sa sini nga balaan nga semana.
Base pa sa DA, ini nga increase ang nagalawig sang tatlo tubtub sa lima ka adlaw.
