Magapatigayon sang adjustments sang byahe ang pila ka transport cooperatives sa Iloilo City kadungan sang pag-obserba sang Semana Santa.
Sa interview sang Bombo Radyo kay Mr. Raymundo Boyet Parcon, Chairman sang Western Visayas Transport Cooperative (WVTC), iya ginpahayag nga ang tikang ang ginapatuman tagsa ka tuig kasunod man sang ginalantaw nga magamay ang numero sang mga pasahero.
Suno kay Parcon, apisar sang pagbuhin sang ila byahe, padayon nga maga-monitor ang talatapan halin sa Ungka Terminal, Tagbak Terminal kag padulong sa Parola Wharf sa Lapuz, City Proper.
Plano man sang talatapan nga katunga sang numero sang ila units ang pahanugotan nga magbyahe sa adlaw sang Semana Santa.
Sa piyak sini, may mga naka-standby sa gihapon nga mga units nila agud nga magsalo hinali nga magdugok ang pasahero sa syudad.
