Nakahunong na sa San Joaquin Municipal Police Station ang lalaki nga ginapahayag nagbato sa kapulisan matapos nga ginserbehan sang warrant of arrest sa Brgy. Jawod, San Joaquin, Iloilo.
Ang lalaki amo si Alias June, 57-anyos, residente sang Tuy-an East, Maasin Maasin, Iloilo, kag nagapangatubang sang kaso nga murder.
Si Alias June ang ginakabig man nga Top 8 most wanted person – Regional Level.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office (IPPO), iya ginpahayag nga nakuha sa paghinakop sang subject ang duha ka m16 armalite rifle, lakip na ang mga live ammunitions.
Suno kay Araño, may ginapatigayon nga bulang sa lugar kon sa diin mismo nakit-an ang subject.
Sang natiktikan sang iya kaupdanan kagsang subject nga may mga pulis, didto na kag nagbaylohanay sang lupok ang kapulisan kag ang kaupod sang subject.
Gintuad man sini nga nagapabilin nga wala pa matul-id kon ka-grupo gidman sang subject ang mga nagbalos palupok sang armas-luthang kon sa diin, padayon nga gina-ayam.
Nahibaluan nga si Alias June ang anay myembero sang Revolutionary Proletarian Army-Alex Boncayao Brigade (RPA-ABB).
