ILOILO CITY – Wala sang katupong nga kalipay ang nabatyagan sang Ilongga beauty queen matapos nagdaog bilang First Runner-Up sa Mutya ng PRISAA 2025 nga ginpatigayon sa Tuguegarao City.
Ini amo si Ma. Kaisha Ann Barrios, 20, tumandok sang Janiuay, Iloilo, kag level 3 nursing student sang University of San Agustin.
Si Barrios ang ginkoronahan man bilang Miss University of San Agustin 2023.
(BARRIOS 2)
Sa interview sang Bombo Radyo kay Barrios, iya ginpahayag nga bata pa lang ini mahilig na siya magpasakop sa mga pageant.
Suno kay Barrios, madamo sang mga matahom nga kandidata nga nagpasakop sa nasambit nga pageant, apang ginakabig sini nga advantage ang iya background sa public speaking.
Apang sa 14 ka mga kandidata, ginpahayag sini nga ‘blessed’ na siya kun ano man ang mangin resulta sang kompetisyon.
Ginpahayag sini nga tuman ang iya pagpabugal bangud gintiglawas sini ang Western Visayas, indi lang sa pagpakita sang katahom, kundi mangin sa kaisog kag may maayo nga tagipusuon.
