Ginkumpirma sang Iloilo City Police Office Station 1 nga wala sang criminal record ang lalaki nga nakita nga nagalutaw kag wala na sang kabuhi sa Iloilo River sa Brgy. Concepcion, Iloilo City Proper.
Sa interview sang Bombo Radyo kay Police Lieutenant Romelo Tabuyoc, Officer in Charge sang Iloilo City Police Station 1, iya ginpahayag nga mentally distressed ang biktima pagkatapos nga naka-survive sa stroke.
Suno kay Tabuyoc, ginatinguhaan sang iya pamilya nga magpabilin ang biktima sa ila balay agud nga maatipan sang maayo apang masami ini nga nagapalagyo.
Paathag sang pamilya sa kapulisan, mahilig ini magpalagyo kag magpahangin sa dagat kag magpaliwa-liwa.
Nahibaluan man nga may problema sa panan-awan ang biktima.
Ulihi nga nakita sang iya pamilya ang lalaki sang Abril 11 matapos nga nalagyo kag nalakat-lakat sa mga dalanon sa syudad.
Nagapati man ang mga himata sini nga wala sang foul play nga natabo sa biktima.
Nag-ayo naman ang pamilya nga sang privacy kag indi na pagpangalanan ang biktima.
