Patigayunon alas syete subong nga aga, Abril 17, ang Misa sang Santo Crisma ukon Chrism Mass sa Jaro Metropolitan Cathedral.
Ini ang pagbendisyon sang Santos Oleos kag pagpanibag-o sang panaad sang pagka-pari.
Ang principal celebrant ukon magapanguna sa sini nga okasyon amo si Jaro Archbishop Most Reverend Midyphil B. Billones, D.D.
Ang Chrism Mass nga ginapatigayon kadungan sang Holy Week ang isa ka importante nga liturgical event sa Catholic Church.
Lakip sa liturhiya amo ang blessing of holy oils nga ginagamit sa sakramento sa bilog nga tuig amo man ang pag-renew sang panaad sang mga pari.
Kadungan sini, nagpanawagan man ang Simbahang Katolika sa mga tumuluo nga ipangamuyo man ang mga pari kag abi-abihon ang “gift of priesthood.”
