Magatutok na ang 19-anyos nga Pinay tennis star nga si Alex Eala sa preparasyon sini sa Madrid Open sa Espanya nga natalana nga mag-umpisa sa masunod nga semana.
Ini matapos temprano nga nagtakop ang kampanya sini sa Oeiras Ladies Open sa Portugal bangud nalutos sa Round of 16.
Nakuha sang kasumpong ni Eala nga si Panna Udvardy sang Hungary ang kadalag-an paagi sa pagdominar sa top seed sa straight sets, 7-6, 6-4.
Nahibaluan nga ika-137 si Udvardy sa WTA rankings samtang ika-72 naman si Eala.
Antes sini, daog si Eala sa imbukada ukon sa Round of 32 batok kay Anouk Koevermans sang The Netherlands.
Sa doubles naman, nalutos man ang Pinay kag partner sini nga si Katie Volynets sa Round of 16 sa kamot sang Americans nga sanday Christina Rosca kag Carmen Corley.
Ang tournament sa Portugal amo ang una nga sabak ni Eala sa hampang matapos ang impresibo nga performance sa Miami Open nga nagpasaka sang iya ranking sa Top 100.
