Tinuig na ang nagligad sa isa ka retreat sa Our Ladies Hill sa Bacolod, ginpakigbahin ni Most Rev. Midyphil Billones sang Archbishop of Jaro ang iya nga istorya kaangot sa litrato sang kamatayon ni Jesus Kristo.
Sa isa ka lugar, sa sulod sang isa ka hulot, may yara sang poster nga nagalaragway sang kamatayon ni Jesus, kon sa diin, natalupangdan sini nga si Jesus ang namatay sa Krus apang may yuhom sa iya nga nawong.
Sa amo nga tion, nabatian niya ang mga tapak ni Sister Fe nga nagapadulong sa iya, kon sa diin, gilayon man sini gintudlo ang portrait nga iya nakit-an.
Suno kay Father Billones, ginpamangkot niya ang madre kon ngaa sa piyak sang kasakit nga naagyan ni Jesus, nakuha sini sa gihapon nga magyuhom.
Apisar sang iya nga pagpamangkot kay Sister Fe, wala sini sa gihapon naintindihan ang luyag nga ipalab-ot sang amo nga litrato.
Antes ang cononical installation sang natungdan, sa kwarto kon sa diin siya nakahamtang, liwat sini nga nakit-an ang litrato sang pagkamatay ni Jesus.
Bangud sa indi sini mapunggan ang iya nga curiosity, nagkuha ini sang cellphone agud nga mag-search sa google sang ‘crucified smiling Christ’.
Sa amo nga tion, natukiban sini nga ang pangalan sang amo nga laragway ang ‘The Crucified smiling Christ’ nga na-trace kasunod sang pahayag ni Jesus nga “Oh Amay, sa imo mga kamot, ginatugyan ko ang akon nga kalag”.
Para kay Father Billones, may kalipay sa atubangan sang kamatayon, sa pihyak sang kalisod, kasubo, kag kapait.
Dugang sini nga nagakahulogan ang kamatayon ni Jesus nga sa kabuhi kag kamatayon sang tawo kag sa likod sang kadulom, may dala ini nga yuhom.
Mabudlay man hangpon ang kasakit sa corazon, ang litrato sang Ginoo sa iya kamatayon ang nagasimbolo sang paglaum.
