Pilason ang ginabulubanta 42 ka sakay sang pribado nga jeep matapos naaksidente sa Brgy. Maninila, Miagao, Iloilo subong nga Sabado de Gloria.
Sa interview sang Bombo Radyo kay Police Captain Francis Donne Lomahan, Hepe sang Miagao Municipal Police Station, iya ginpahayag nga halin sa Brgy. Baong, Alimodian, Iloilo ang jeep kag padulong kuntani sa banwa sang San Joaquin, Iloilo agud mag-outing sa isa ka beach resort.
Santo sa inisyal nga impormasyon, gindala sa Guimbal District Hospital ang 42 ka pilason nga ginalakipan sang 13 ka mga menor de edad kag 19 ka legal ang pang-edaron.
Dugang pa sang natungdan nga overloading ang sakay sang amo nga jeep kun diin may nakasakay pa sa ibabaw.
Base naman sa inisyal nga imbestigasyon, posible nga naglupok ang royda sang jeep nga gintunaan sang akisidente apang padayon pa sa gihapon ang imbestigasyon sang kapulisan
