Gindayaw ni Iloilo City Mayor Jerry Treñas ang newly crowned Miss Eco International 2025 nga si Alexie Mae Caimoso Brooks.
Sa interview sang Bombo Radyo kay Mayor Treñas, iya ginpahayag nakit-an niya sa beauty queen kag athlete ang paminatasan sang matuod nga Ilongga nga mapainubuson ukon humble.
Suno sa alkalde, dalayawon nga wala gid sang bugal si Brooks sa pihak sang madamo niya nga achievements kag pagdaug sang international title.
Pahayag pa sang alkalde, wala man ginakalimtan ni Brooks nga i-promote ang Iloilo City sa bilog nga kalibutan.
Ginpasiguro naman sang alkalde nga may mainit nga pag-welcome ang Iloilo City sa pagpauli ni Brooks.
Posible man nga may mabaton nga incentives ang Ilongga beauty queen.
Ginalantaw man sang alkalde nga kilalahon nga adopted daughter sang Iloilo City si Alexie nga tumandok sang Leon.
