Dagdagan sang Land Transportation (LTO) Office Region 6 sang show cause order ang driver sang SUV nga nag-hit and run sa magpakaisa sa Commission Civil Street, Barangay Fatima, Jaro, Iloilo City.
Ang driver sang motorsiklo amo si Ariel Habal, 32, single, construction worker, kag residente sang Barangay Concepcion, Iloilo City.
Samtang, ang backrider naman amo si Eric Paul Gacita, 23, kag residente sang nasambit nga Barangay.
Nahibaluan nga ang suspek isa ka family driver sang Chinese National nga amo nagapanag-iya sang SUV nga ginamaneho sini.
Nag-file naman sang kaso nga reckless imprudence resulting to multiple serious physical injuries and damage to property ang Traffic Enforcement Unit batok sa nasambit nga driver.
Matandaan nga sa interview sang Bombo Radyo kay Police Major Shella Mae Sangrines, spokesperson sang Iloilo City Police Office (ICPO), iya ginpahayag nga may naghatag sang impormasyon sa mga kapulisan natuhoy sa driver nga luyag niya nga mag-surrender kaupod ang iya abogado sa mga kapulisan kag handa nga mag-atubang sa mga biktima.
Nagtuad ang driver nga bangud sa tuman nga kakulba, nahimo niya nga magpalagyo sa tion sang pagkabunggo sini.
Nahibaluan nga nagaguwa sa imbestigasyon sang otoridad nga nang-agaw sang linya ang isa ka Sports Utility Vehicle ukon SUV rason nga nabungguan sini ang motorsiklo.
