Ginmandu sang Malacañang nga dapat naka-half mast ang hayahay sang nasyon sa tanan nga government buildings kag installations diri sa Pilipinas kag sa luwas sang pungsod kasunod sang kamatayon ni Pope Francis.
Kabahin ini sang kaundan sang Proclamation No. 871 nga pirmado ni President Ferdinand Marcos Jr. sang Abril 23 kun sa diin nakabutang ang deklarasyon sang period of national mourning sa bilog nga Pilipinas.
Epektibo gilayon ang proklamasyon tubtub sa adlaw nga malubong na ang Santo Papa.
Ginsiling sang presidente nga daku gid ang pagpangasubo sang Simbahang Katoliko kag sang mga Pilipino sa pagtaliwan sang Pope bangud ginakilala siya nga global leader sang compassion kag may kawsa para sa kalinong, hustisya, kag human dignity.
Si Pope Francis nga 266th Bishop of Rome ang napatay sang Lunes bangud sa stroke kag heart failure, kag natalana nga ilubong sa Sabado.
Isa si Marcos sa world leaders nga magabyahe pakadto sa Roma para makaupod sa pagdul-ong sa Pope sa iya katapusan nga palahuwayan sa Santa Maria Maggiore, ang iya paborito nga Roman Basilica.
