Isa ang patay kag duha ang pilason sa pagbungguanay sang duha ka motorsiklo sa Barangay Maribong, Lambunao, Iloilo.
Ang napatay amo si alyas Alfred, 39 anyos, residente sang Lambunao, Iloilo.
Ang mga pilason amo ang mag live-in partner nga sanday alyas Daryl, 29 anyos nga amo ang driver kag backrider nga si alyas Rachel, 22 anyos nga pareho nga residente sang Igbaras, Iloilo.
Sa interview sang Bombo Radyo kay Police Major Roy Tayona, hepe sang Lambunao Municipal Police Station, iya ginpahayag nga nasugataay ang duha ka motorsiklo kun sa diin nag-agaw sang linya ang motorsiklo ni alyas Alfred rason sang bungguanay.
Wala sang suksok nga helmet si alyas Alfred rason nga nakaangkon ini sang pilas sa ulo kag iban nga parte sang lawas.
Nagapabilin naman sa ospital ang backrider nga si alyas Rachel.
Sa subong, ginahulat pa ang masunod nga tikang sang pamilya sang napatay.
