Na-rescue ang isa ka lalaki nga nagtuyo nga maglumpat halin sa flyover sa porsyon sang General Luna St., Iloilo City Proper kaina sang kaagahon.
Ini amo si Alyas John, 24, ginapahayag nga temporaryo nga nagatinir sa Rizal Palapala II, apang tumandok sang Barangay Dalipe, Lemery, Iloilo.
Sa interview sang Bombo Radyo kay Alyas John, iya ginpahayag nga napanumdom sini nga magsaka bangud wala na ini sang dangpan kag ginpahayag nga “indi na ini palangga sang iya pamilya.”
Pahayag niya, sang yara ini sa ibabaw, ginatawgan sini ang iya utod apang wala nagasabat.
Dugang pa sang natungdan, nakalab-ot siya sa syudad ginabulubanta apat na ka tuig ang nagligad pinaagi sa pagpatigayon sang ginaubrahan sini sang una bilang manugbaligya sang scallops sa Estancia, kag sa subong nagabulig-bulig sa Iloilo Terminal Market.
Ulihi nga nagpauli si Alyas John sa ila puluy-an sa Lemery antes pa sang Semana Santa agud mag-attend sang birthday party sang iya utod.
Ginpahayag man sini nga nakaagi na ini preso sa kaso nga theft.
Sa subong, yara na ini sa kustodiya sang Iloilo City Police Station 7 matapos natigayon nga manegosyar kag mapapanaog.
(Article: Bombo Phauline Pillora)
