Opisyal na nga ginlunsar sang Commission on Elections (COMELEC) Iloilo ang Mall Voting Program para sa syudad subong nga adlaw para sa May 2025 midterm elections.
Sa interview sang Bombo Radyo kay Atty. Reinier Layson, Provincial Election Supervisor sang Commission on Election (COMELEC), iya ginpahayag nga naubra na nila ang mga necessary compliance agud ma-cater ang ginabulubanta 12,000 ka mga voters.
Suno kay Layson, ang programa ang may tinutuyo para sa mas masangkad kag komportable nga election venue, ilabi na sa mga vulnerable sector, PWDs, Seniors and Pregnant Women.
Ginpahayag man sini magluwas dira mas mapalapit sa mga barangay nga maga-cast sang vote sa apat ka malls nga ginalakipan sang: Festive Walk Mall, SM City, kag Robinsons Place Jaro kag Main.
Nagapati man ini nga ang Mall Voting, mahimo maka-cater sang dako kag damo nga gates nga kinahanglan i-secure.
Dugang sini nga orderly and secure ang patigayunon nga eleksyon, kon ikumpara sa mga eskwelahan nga isa lang ka gate para mapasulod ang mga botante.
Ginpasigurado man sini nga may ocular inspection sa mga voting venues agud gilayon matumod kon may mga problema sa pagbinotohay.
