Nagapati si Most Rev. Midyphil B. Billones D.D., Archbishop sang Archdiocese of Jaro nga ang Espirito Santo ukon Holy Spirit gid lang ang makapili sang masunod nga Santo Papa kag mangin masunod nga Spiritual Leader.
Sa interview sang Bombo Radyo kay Most Rev. Billones, iya ginpahayag nga gabuylog sila sa kasubo sang Universal Church sang Roman Catholic, sa dalayon nga kapahuwayan ni Pope Francis, apang nagapati ini nga ang ini nga kasubo ang buslan sang Easter Hope.
Suno pa sa iya, may yara sang kasubo apang may pagpasalamat kay mabalik na ang Santo Papa sa kaharian sang Ginoo.
Dugang ni Billones nga kun istoryahan ang legasiya nga ginbilin sang Santo Papa, madamo ini sang ginbilin.
Ginlaraway sini nga “It rings the bell” ang tinaga kag aktwasyon sang “Mercy” nga ginpakita ni Pope Francis.
Ginpahayag man sang natungdan nga isa sa dako nga ginhimo sang Santo Papa amo ang mapalapit sa tawo ang Simbahan Katolika.
Samtang, dako naman nga pagpanghangkat sa mga Ilonggo nga tumuluo nga ipabilin sa ila kinabuhi ang espritwal nga koneksyon nga ginbilin ni Pope Francis nga mahimo ikabuhi tubtob sa walay-kataposan.
Naghatag man sang mensahe ang Arsobispo para sa palaabuton nga May 2025 National and Local Election, nga indi lang bilang botante, bilang Pilipino nga magboto sang may prinsipyo, act of faith, kag righteousness.
Suno sa iya, madamo sang pagpanghangkat apang magboto santo sa konsensya.
Samtang mensahe sini sa mga kandidato, magsunod sa espirito sang kalinong kag hustisya.
