Nagtapos ang Pinoy pole vault star nga si EJ Obiena sa ikapito nga pwesto sa Wanda Diamond League – Xiamen 2025 sa China.
Ini matapos nalukso sini ang 5.62-meter mark sa event. Nagtinguha pa ang Filipino Olympian nga malapawan ang 5.72 apang napaslawan sa tatlo ka beses.
Sa 10 ka players, nanguna liwat ang back-to-back world record holder kag two-time Olympic gold medalist nga si Armand Duplantis sang Sweden. Nakalukso ini sa marka nga 5.92 meters, apang napaslawan na sang tatlo ka beses sang nagtinguha ini nga maglapaw sa sais metros.
Pareho naman kay Obiena nga 5.62 meters ang nalukso sang Paris silver medalist nga si Sam Kendricks, samtang nagpangaduha naman kay Duplantis si Paris Games bronze medalist Emmanouil Karalis nga naka-5.82 meters.
Nahibaluan nga nag-us-os sa World no. 4 ang rank ni Obiena kag wala man nakasulod sa 2025 World Athletics Indoor Championships sang Marso bangud sa injury nga iya ginsuprer sang 2024.
Antes sini nga kumpetisyon, diri siya sa Pilipinas naghanas kaupod ang iban nga players sa idalom ni Coach Vitaly Petrov.
