Magpatigayon sang reshuffling schedule ang Iloilo City Traffic and Transportation Management Office (TTMO) matapos naka-record sang duha ka patay bangud sa heat related illness samtang naga-duty.
Sa interview sang Bombo Radyo kay Ret. Police Col. Uldarico Garbanzos, head sang Iloilo City Traffic and Transportation Management Office, iya ginpahayag nga ginpapasa nila sang mga medical status ang mga traffic personnel nga may comorbidity agud mabutang ang ila schedule sa hapon.
Suno kay Ret. Col Garbanzos, yara na sa duha ka mga traffic personnel ang napatay matapos ma-expose sa tuman ka init nga tyempo nga ginkalain man sang ila pamatyag.
Kon balikan, Pebrero 27 sang nabalhag ang labing-una nga napatay nga enforcer nga naka-assign sa La Paz, samtang ang ika-duha naman ang na-record sang Abril 7 nga naka-assign sa Diversion Road, Mandurriao, kon sa diin, nagpauli pa sa ila balay kag gindala sa ospital apang ginbawian man sang kabuhi.
Sa subong, padayon ang hiring sang nasambit nga opisina kasunod sang nagakinahanglan sila sang dugang nga mga personnel.
