Ginpanindugan sang opisyal sang Barangay Tacas, Jaro, Iloilo City nga makapila na sila ka beses nga magsaway sa mga truck nga iligal nga naga-park sa kilid sang dalan.
Sa interview sang Bombo Radyo kay Punong Barangay Joseph Poral sang Brgy. Tacas, Jaro, iya ginpahayag nga mahimo bag-o na naman nga mga truck ang nag-park sa ila dalan bangud masami sila nga nagapahanumdom sa mga nauna nga truck nga tuman ka delikado kag dako ang risgo sa disgrasya.
Suno kay Poral, padayon ang ila pangampanya batok sa mga iligal nga naga-park sa ila lugar kag mahimo nga natabuan lang nga wala sila naga-ronda sang tion nga mag nagsekyar sa dalan.
Dugang niya nga may clearing nga ginapatuman ang barangay sa kada Dominggo kag personal man ini nga nagalibot agud sekyaron ang amo nga dalan.
Ginpakamalaut man sini ang mga driver sang truck nga nagadinungol kag ginabantayan lamang sila, kon sa diin, matapos nga sawayon, nagabalik sa gihapon.
Ang amo nga hitabo ang na-report naman sang mga traffic auxiliary agud nga matutokan kag mahatagan sang igtalupangod.
