Napilian ang Filipino cardinal nga si Luis Antonio Tagle nga mangin isa sa tatlo ka assistants sang camerlengo ukon ang caretaker sang papal household samtang nagapreparar para sa Conclave sa masunod nga tatlo ka adlaw.
Suno sa Vatican, ang duha ka iban pa amo sanday Cardinal Dominique Mamberti kag Cardinal Reinhard Marx nga parte sang commission bilang coordinator sang Council for the Economy.
Sila nga tatlo ang magabulig kay Cardinal Kevin Farrell agud magpreparar para sa eleksyon sa bag-o nga Santo Papa nga maga-umpisa sa Mayo 7.
“The office of these cardinals, called assistants, ceases at the conclusion of the third full day, and their place is taken by others, also chosen by lot and having the same term of office, also after the election has begun,” base sa dokumento nga Universi Dominici Gregis.
Pahayag pa sini: “The particular congregations are to deal only with questions of lesser importance which arise on a daily basis or from time to time. But should there arise more serious questions deserving fuller examination, these must be submitted to the general congregation.”
Sa nagligad nga duha ka conclaves nga ginpatigayon agud ma-elect sanday Pope Benedict XVI kag Pope Francis sang 2005 kag 2013, duha ka adlaw ang ginlawig sang eleksyon, apang may impormasyon nga posible mas maglawig ini subong nga tuig bangud may mga cardinal nga gin-appoint si Pope Francis nga indi pa pamilyar sa isa kag isa.
Sa Pilipinas, tatlo ka cardinals ang elegible sa pag-elect sa bag-o nga Pope. Ini amo sanday Tagle nga Prefect of the Dicastery for Evangelization, Manila Archbishop Jose Cardinal Advincula kag Kalookan Bishop Pablo Virgilio Cardinal David.
Indi naman pwede nga maka-upod sa eleksyon sanday Manila Archbishop Emeritus Gaudencio Cardinal Rosales kag Cotabato Archbishop Emeritus Orlando Cardinal Quevedo bangud masobra na sa 80-anyos ang ila nga edad. Mahimo lamang sila makaupod sa preparatory General Congregations sang College of Cardinals.
