Ginpangunahan ni First Lady Liza Araneta- Marcos ang Lab-for-all Program sa Gym sang New Lucena, Iloilo subong mga adlaw.
Nangin benepisyaro sang amo nga programa ang linibo ka mga pumuluyo sa amo nga banwa nga nagsugod pila ginabulubanta ‘las 4 sang aga agud mag-avail sang libre nga medical kag dental services.
Ang mga government agencies nga nakipagbahin amo ang Department of Health (DOH), Department of Agriculture (DA), Department of Social Welfare and Development (DSWD), Technical Education and Skills Development Authority (TESDA), Department of Trade and Industry (DTI), PhilHealth, National Housing Authority, Pag-IBIG, Public Attonery’s Office (PAO), kag iban pa.
Ang lab for all program ang inisyatibo ni First Lady Marie Louise Araneta-Marcos nga may tinutuyo nga mag-provide sa primary healthcare assistance pinaagi sa libre nga laboratory testing sevices, medical check ups, family planning services, kag ditribusyon sang libre nga bulong nga nagasuporta sa implementasyon sang RA 11223 ukon ang Universal Healthcare Act.
Sa interview sang Bombo Radyo kay Carla Sigay, health services beneficiary, iya ginpahayg nga dako nga bulig ang nasambit nga program kapareho sa iya nga malaka lang nga naga paycheck up sa ospital, pahayag niya, tuyo olang man kuntani sini nga mag-avail sang libre nga reading glass apang ginpatan-aw nalang sini ang iya arthritis nga madugay na nga ginasuprer humalin sang ini lima ka tuig pa lang, pinaagi sa free checkup, ginrekomenda sang doctor nga ipatan-aw ini sa Orhtopedic Surgeon.
Magluwas sa libre nga medical checkup, nagkonsulta man ini sa PhilHealth, Public Attorney’s Office (PAO), kag nakakuha man ini sang vitamins kag balanyos.
Suno naman kay Virginia Jardin Bajon, President sang Sustainable Livelihood Program kag nakabaton sang P525,000 halin sa Department of Social Welfare and Development (DSWD), nangin emosyonal ini bangud dako ini nga bulig sa ila nga mga senior citizen kag miyembro sang ila organisasyon sa Jelicuon Oeste.
Pahayag niya, makabulig ini agud makatukod sang ila kaugalingon nga edpisyo para dira makaubra sang ila mga produkto.
Ang Sustainable Livelihood Program (SLP) ang isa ka proyekto nga may tinutuyo nga mapalig-on ang kabuhi sang mga indibidwal pinaagi sa paghatag / pagsuporta sa mga livelihood.
