Nagapati ang chairman sang Committee on Public Safety sang Iloilo City Council nga dapat nagasunod sa standard nga sizes ang mga traffic signages sa syudad.
Sa interview sang Bombo Radyo kay Iloilo City Councilor Sedfrey Cabaluna, iya ginpahayag nga ang pag-comply sang mga signages ang dapat gilayon makit-an sang mga motorista.
Suno kay Cabaluna, kinahanglan nga ‘standardized’ ang mga signages bangud nagaguwa nga mas dako pa ang mga sponsors sang signages sa mismo road signs.
Ginpahayag man sini nga mas makapamaayo kon mismo ang syudad ang magabakal ukon magpahimo sang signages, apang wala man sini ginasirado ang mga may luyag nga mangin sponsor.
Dugang ni Cabaluna nga kinahanglan nga nagasunod sa insakto nga pagsulundan ang ginapahamtang nga road signages ilabi na sa national highway.
