Ginklaro sang Malacañang nga wala ini sang komunikasyon sa International Criminal Court (ICC) kaangot sa statement ni Vice President Sara Duterte nga yara man siya sa lista ang mga tawo nga ipaaresto sang international tribunal.
Suno kay Palace Press Officer Undersecretary Atty. Claire Castro, wala sang may ma-komento ang palasyo sa statement sang bise-presidente bangud wala sang anuman nga impormasyon nga nahatag sa ila halin sa The Hague.
”We’re not dealing directly with the ICC. Kung mayroon pong katanungan patungkol po diyan, mas maganda po kung makikipag-usap sila sa ICC. Wala po tayong anumang impormasyon mula sa ICC,” suno sa press officer.
Kun basehan ang pahayag ni Sara, yara man siya sa lista nga naga-unod man sang pangalan nanday former police chief kag subong Sen. Ronald dela Rosa, former special assistant to the president kag subong Senador Bong Go, former police chief Oscar Albayalde kag retired police generals nga sanday Vicente Danao Jr. kag Romeo Caramat Jr.
Naangot ang pagdakop kay former President Rodrigo Duterte sa akusasyon nga nakomiter sini ang crimes against humanity bangud sa iya drug war, apang kun si Sara ang pahambalon, ang pagdakop sa iya amay kag pagdala sa iya sa The Netherlands ang nangot sa eleksyon sa 2028.
Si Sara ang ginabati-bati nga magapadalagan sa pagpa-presidente sa amo nga tuig, apang wala pa ini sang pormal nga proklamasyon
Sang Marso 11 gindakop si Duterte kag nagapabilin subong sa detention facility sa The Hague. Naka-schedule ang confirmation of charges sa Septyembre 23, 2025.
