Ginalantaw sang Bangko Sentral ng Pilipinas (BSP) nga magatupa sa 1.3 tubtub sa 2.1 percent ang inflation rate sa Pilipinas sa Abril.
Suno sa central bank, nakabulig sa pagpabilin sa manubo nga inflation ang pagnubo sa presyo sang produktong petrolyo amo man sa bugas, isda kag prutas, amo man ang appreciation sang Philippine peso.
Sa Month Ahead forecast, nakasaad man nga ang posible nga maka-contribute sa pagsaka amo ang mataas nga balayran sa kuryente.
Matandaan nga 1.8% ang inflation sang Marso nga mas manubo sa 2.1% sang Pebrero kag sa 3.8% sang Enero.
Iga-anunsyo sang state statistics bureau ang April inflation rate sa Martes, Mayo 6.
