Nagapabilin nga ‘zero complaint’ ukon wala pa sang may nabaton nga election related complaints ang Iloilo City Commission on Elections (COMELEC) inadlaw antes ang 2025 midterm elections.
Sa interview sang Bombo Radyo kay Mr. Jonathan Sayno, Election Assistant II sang City COMELEC, iya ginpahayag nga nagalaum siya nga tubtob sa kataposan sang 2025 midterm elections, wala sang may mabaton nga election related complaints ang talatapan.
Suno kay Sayno, ang masami nga mabatian kag makit-an sa social media nga reklamo sa mga kandidato ang nagapabilin lamang nga yara sa social media bangud wala man sang pormal nga nagareklamo diri.
Gin-athag man sini nga may mga social media pages ang pila ka kandidato sa syudad nga wala nakakumpleto sang ila requirements apang ginhatagan sang tsansa nga makapasa, kon sa diin, natigayon man nga na-comply.
