Nalakip ang Iloilo Province sa lima ka winners sang Best in National Costume sa Miss Universe Philippines 2025.
Ini amo si Angeline Cordero Kailani nga nagsuksok sang ‘Santermo’ costume nga ginhimo sang Ilonggo designer nga si Ruffy Itaas.
On fire kaangay sang firebeast ang performance ni Angeline samtang ginalakat sini sa stage ang recycled water bottles nga naadornahan sang gemstones.
“Santelmo is a mythical ball of fire of a lost soul died from a tragic death. Now, with Angeline Cordero Kailani – one woman rising, not from ash, but from burning purpose. This legendary Santelmo becomes more than a tale – it becomes a voice. This national costume burns not to consume, but to illuminate the passion and strength of a more empowered woman,” kabahin sang caption ni Itaas sang ginsapubliko sini ang “Apoy ni Santelmo” creation.
Sandig sa gin-anunsyo sang organisasyon isa ka adlaw matapos ang koronasyon, ang mga kandidata nga nakuha sang pinakamataas nga pwesto sa sini nga kategorya amo ang masunod:
- Caloocan – Allyson Mei Ee
- Ifugao – Valerie Claire West
- Iloilo – Angeline Cordero Kailani
- Sultan Kudarat – Chelsea Fernandez
- Baguio – Gwendoline Meliz Soriano
Ang nakakuha naman sang korona subong nga tuig amo ang pageant veteran nga si Ma. Ahtisa Manalo sang Quezon Province. Siya ang magadala sang pangalan sang Pilipinas sa Miss Universe 2025 nga hiwaton sa Bangkok, Thailand sa Nobyembre 21.
Yari naman ang kumpleto nga resulta sa MUPH kagab-i.
- Gabriella Carballo sang Cebu City – Miss Philippines Eco International 2025
- Katrina Llegado sang Taguig – Miss Philippines Supranational 2025
- Chelsea Fernandez sang Sultan Kudarat – Miss Philippines Cosmo 2025
- Teresita Ssen ‘Winwyn’ Marquez sang Muntinlupa – First Runner-Up
- Yllana Marie Aduana sang Siniloan, Laguna – Second Runner-Up
(Photo: Mark Caceres Studios/Ruffy Itaas, FB
