Ginakabig nga dako nga dungog kag kadalag-an sang isa Ilonggo designer nga nalakip ang ginhimo sini nga costume sa top 5 winner sang best in national costume sa sa Miss Universe Philippines.
Ini amo si Ruffy Itaas nga naghimo sang ‘Santermo’ costume nga ginsuksok ni Angeline Cordero Kailani nga tiglawas sang Iloilo sa amo nga pageant.
Sa interview sang Bombo Rady kay Ruffy Itaas, iya ginnpahayag nga ang pagkilala sa iya ginhuman nga national costume ang paghatag man sang nagakadapat man nga pagpasidungog sa talento sang mga Ilonggo.
Suno kay Itaas, indi ini ang una nga bes nga naghimo siya sang national costume sang mga kandidata sa national pageant kag isa ini ka maayo nga oportunidad nga mapakigbahin niy ang iya passion.
Pahayag niya, apisar mythical creature ang tema sang national costume, ginsiguro man sini nga ma-highlight gihapon ang katahum ni Kailani.
Naggamit ini ini sang recycled materials kaangay sang plastic bottles kag iban pa.
Bangud sa amo nga kadalag-an, mas naghatag ini sang inspirasyon sa iya agud hatagan pa gid sang kabuhi ang iya passion sa pagdesinyo kag paghimo sang costume.
