Gin-appoint ang Filipina sports official nga si Mikee Cojuangco-Jaworski bilang bag-o nga chairperson sang International Olympic Committee Coordination Commission para sa 2032 Olympic Games sa Brisbane, Australia.
Ginhimo ang appointment matapos nga nagpanaog sa amo nga pwesto si IOC President-Elect Kirsty Coventry matapos nga na-eleher ini bilang president sang amo nga organisasyon.
Maga-oversee ang Pinay sa pagplano kag pag-deliver sang Olympic Games Brisbane 2032 kag magapanguna sa pagtrabaho kaupod sa Organizing Committee, Olympic Movement stakeholders, local authorities kag International Sports Federations.
“Her role will be to ensure that all aspects of the project are developed and executed to the highest standards, creating an inclusive, sustainable and memorable Olympic experience for athletes, fans and communities alike,” suno pa sa IOC.
Nahibaluan nga gold medalist ang Pinay sa 2002 Asian Games kag naghanas sang masobra duha ka dekada sa Australia sa iya karera bilang equestrian.
Nangin parte man siya anay sang coordination commissions para sa Olympic Games sa Tokyo 2020, Paris 2024, kag Brisbane 2032.
