Nagapadayon sa pagsaka ang ranking sang Pinay tennis star nga si Alex Eala nga pang-70 na subong sa pwesto sa Women’s Tennis Association (WTA).
Sa edad nga 19-anyos, siya ang pinakabata nga Asian tennis player sa WTA ladder. Ikaduha naman siya sa youngest tennis player sa Top 70 kasunod kay world No. 7 Mirra Andreeva sang Russia nga subong 18-anyos.
Matandaan nga sang Abril 24, nagsaka si Eala sa world no. 72 kasunod sang maragtason nga performance sa Miami Open nga amo ang nagpalukso sang iya pwesto halin sa world no. 143 sang 2024.
Bag-o lang natapos sang Filipina tennis sensation ang iya kampanya sa Madrid Open kun sa diin nakalab-ot pa sa three sets antes siya nalutos ni world no. 2 Iga Swiatek sang Poland.
Sa labing-una nga tion, magahampang man si Eala sa Foro Italico sa Rome, Italy matapos nahatagan sang automatic spots sa main draw.
Daku nga pagpanghangkat gilayon ang atubangon sini bangud natuon siya sa bracket kun sa diin yara man nagtupa ang world no. 1 nga si Aryna Sabalenka nga amo ang top seed kag recently-crowned Madrid Open champion.
Yara man sa amo nga heavyweight field si Swiatek nga amo ang defending Italian Open champion.
