Sa isa ka makasaysayan nga edition sang Met Gala nga puno sang mainit nga isyu kag hitabo, liwat nga naging sentro sang atensyon ang couple nga sanday Rihanna kag A$AP Rocky.
Ginbuyagyag ni A$AP Rocky, nga isa sa mga co-chair sang 2025 Met Gala, nga sila ni Rihanna ang nagalaum sang ikatatlo nga anak.
Madumduman nga gin-anunsyo man sang couple ang ila ikaduha nga bata sang 2023 sa Super Bowl halftime show, kun diin si Rihanna nag-perform nga may baby bump.
Ang ila ikaduha nga anak nga si Riot Rose natawo sadtong tuig man, kag ang ila una nga bata nga si RZA, natawo sang Mayo 2022.
Bilang co-chair sang Met Gala nga may tema nga “Superfine: Tailoring Black Style,” ginpabutyag ni Rocky ang iya padayon nga suporta sa fashion industry.
Nagapadayon ang ila impluwensya sa kalibutan sang moda kag musika, kag subong man sa ila padayon nga pagdako bilang pamilya.
