Kadungan sang pagsugod sang papal conclave ukon pagpili sang mga Catholic cardinal sang masunod nga santo papa, liwat nga sundon ang ‘by order of precedence’ nga gintalana sang ‘Universi Dominici gregis,’ sa order sang pagboto.
Buot silingon, una nga magaboto ang mga pinaka-senior official sang Roman Curia nga nahatagan sang katungdanan agud pamunuan ang mga pinakaimportante nga diocese sa Diocese of Rome, kun sa diin ang nagserbe nga obispo diri amo ang santo papa.
Pinakamataas diri ang mga cardinal-bishop nga ginasundan sang mga cardinal-priest, cardinal-deacon, kag iban pa nga opisyal sang Vatican.
Ang College of Cardinals ang ginadumala sang sang dean sini nga si Cardinal Giovanni Battista Re sang Italy samtang nagaserbe naman nga vice dean si Cardinal Leonardo Sandri, apang silaang kaupod sa 116 cardinal nga may edad 80 pasaka na indi na makaintra sa conclave.
Bangud diri, ang responsibilidad sang pagdumala sa conclave ang yara sa kamot na sang pinaka-senior nga miyembro – si Cardinal Pietro Parolin, nga nagserbe man nga secretary of state sa idalom ni Pope Francis.
Kasunod sini, si Parolin ang mangin Cardinal Elector No. 1 sa conclave.
Siya ang pinakauna nga manumpa sang ‘oath of secrecy’ kag siya man ang una nga magabutang sang iya nga balota sa banga nga magaserbe suludlan sang mga balota.
Pagasundan siya ni Cardinal Fernando Filoni, anay prefect sang daan nga Congregation for the Evangelization of Peoples kag nagserbe man sadto bilang apostolic nuncio to the Philippines sang 2006-2007.
Magaserbe nga Elector No. 3 si Cardinal Luis Antonio Tagle.
Si Tagle ang nagbulos kay Filoni kag naging pro-prefect sadton na-reorganize ang amo nga congregation bilang Dicastery for Evangelization.
Sunod sa iya si Cardinal Robert Francis Prevost bilang Elector No. 4, samtang Elector No. 5 si Cardinal Louis Raphaël I Sako, halin sa Baghdad.
Matapos ang top five (5) cardinals, pagasundan sila sang 108 cardinal-priest kag 20 cardinal-deacon.
