Arestado ang isa ka lalaki sa ginpatigayon nga drug buy-bust operation sang City Drug Enforcement Unit (CDEU) sa Barangay Lanit, Jaro, Iloilo City.
Ang subject amo si alyas Winston, 47, high value individual (HVI), kag residente sang Barangay Baldoza, La Paz, Iloilo City.
Sa interview sang Bombo Radyo kay Police Captain Ryan Christ Inot, hepe sang Iloilo City Police Station (ICPS)4, iya ginpahayag nga natigayon madakpan ang subject sa bulig sang informant.
Suno kay Inot, ginakabig nga isa ka dako nga supplier si alyas Winston sang droga sa Barangay Baldoza, La Paz,
Natigayon nga nakuhaan ang subject sang kabug-usan nga 170 grams sang suspected shabu nga may standard drug price nga P1,156,000.
Dugang pa ni Inot, ikatlo na nga kahigayunan nga nadakpan sa kapareho nga kaso ang suspek.
Sa subong, yara na sa kustodiya sang otoridad ang suspek kag natalana nga atubangon ang kaso sa paglapas sa Republic Act 9165 ukon ang Comprehensive Dangerous Drugs Act of 2002.
Masobra P1 million nga balor sang droga, nakumpiskar sa ginpatigayon nga buy-bust operation sang CDEU sa Brgy. Lanit, Jaro, Iloilo City
