May napili na nga Santo Papa!
Nagguwa ang puti nga aso sa chimney sang Sistine Chapel sang Vatican 12:08 subong nga kaagahon oras sa Pilipinas.
Nagakahulugan ini nga may napili na ang 133 ka cardinal electors nga magapungko bilang lider sang 1.4 billion strong Roman Catholic church.
Ang Cardinal nga napili nga mangin Pope ang ginpailisan na sang bag-o nga papal garments sa Room of Tears.
Sunod nga lauman nga makit-an si Cardinal protodeacon Dominique Mamberti sa central balcony sang Saint Peter’s Basilica agud nga i-anunsyo ang popular nga mga tinaga nga: Habemus papam! (We have a pope!)
Diri na kag sunod nga ipakilala kun sin-o ang napilian nga Santo Papa kag kun ano ang iya papal name.
Matandaan nga Myerkules sang gab-i oras sa Pilipinas sang pormal nga nagsugod ang Conclave kun sa diin nalakip sa tatlo ka electors ang tatlo ka mga Filipino: Cardinal Luis Antonio Tagle, Cardinal Jose Advincula, kag Cardinal Pablo Virgilio David.#
