Napasa na sang prosecutor sa International Criminal Court (ICC) ang second batch sang mga ebidensya sa kaso batok kay former President Rodrigo Duterte.
Nagaunod ini sang 139 items nga ginalantaw nga magapapag-on sa kaso nga crimes against humanity.
Ginpasa ini ni ICC Prosecutor Karim Khan sa ICC Pre-Trial Chamber 1 kag napadala naman sa defense team ni Duterte sang Abril 30, 2025.
Matandaan nga Marso sang ginpasa naman ang una nga batch sang mga ebidensya.
Suno kay Khan, ang 139 ka mga items ang gin-organisar sa idalom sang apat ka disclosure packages kaangay sang contextual elements, modes of liability, murder sa termino ni Duterte bilang Davao City mayor, kag murder sa idalom sang clearance operations sa iya termino bilang presidente sang Pilipinas.
Nahibaluan nga natalana sa Septyembre 23 ang confirmation of charges sa ICC batok sa anay punong ehekutibo.
