Kumpyansa ang Samahang Basketbol ng Pilipinas (SBP) nga wala sang suspension nga idagdag batok kay Justin Brownlee kag makaupod gihapon ini sa hampang sang Gilas Pilipinas sa FIBA Asia Cup sa Jeddah, Saudi Arabia.
Ginpahayag ini ni SBP president Al Panlilio apisar sang reports nga nagpositibo liwat si Brownlee sa isa ka ginadumilian nga substance nga amo na ang ikaduha nga tion sa sulod sang duha ka tuig.
Sang damlag lang sang nabaton sang naturalized star ang notice sang adverse analytical finding.
Suno sa World Anti-Doping Agency, isa ini ka report nga naga-identify sang presensya sang prohibited substance ukon ang iya metabolites sa sample sang isa ka player.
Apang suno kay Panlilio, may yara sang therapeutic exemption for medicinal purposes si Brownlee kun sa diin nakasaad sa sini nga exemption ang lebel sang marijuana nga dapat makit-an sa dugo kag indi dapat maglapaw diri ang makit-an sa sample.
Gin-athag sini nga inisyal pa lang nga report ang iya nabaton kag wala pa sang opisyal nga kumpirmasyon.
Matandaan nga sang nakuha sang Pilipinas ang maragtason nga gold medal sa Asian Games sa China sang 2023, nagpanguna man sa team si Brownlee apang nagpositibo man ini sa Carboxy-THC nga isa ka prohibited substance nga naangot sa cannabis rason nga gindagdagan siya sang tatlo ka bulan nga suspension.
Magluwas sa isyu sa iligal nga substance, isa man sa ginaatubang sang 37-anyos nga player amo ang injuries sa iya tudlo kasunod sang PBA Commissioner s Cup finals sang Marso.
Siya ang ginasaligan sa Gilas ilabi na bangud sigurado na nga indi makahampang ang big man nga si Kai Sotto bangud sa injury.
Sa Asia Cup sa Agusto, nagtupa ang Pilipinas sa Group D kun sa diin makaatubang sini ang New Zealand, Chinese Taipei, kag Iraq.
