Duha ka empleyado sang city hall ang patay kag lima ang pilason sa shooting incident sa Silay City, Negros Occidental subong nga adlaw ang eleksyon.
Suno sa impormasyon, nagapangape ang mga biktima sang ginpaulanan sang luthang sang mga suspek nga sakay sang van.
Ginpahayag nga yara sa duty ang mga biktima para mag- monitor sang ano man nga vote buying incidents sa lugar.
Gintumod naman nga suspek ang isa ka punong barangay.
Naglunsar naman sang hot pursuit operation batok sa suspek.
Nagapabilin naman sa ospital ang mga pilason.
