Nakaboto na si First Lady Liza Araneta Marcos kag ang iya mga kabataan sa Calayab Elementary School sa Laoag City subong nga adlaw, Mayo 12.
Nag-abot ang first lady kag sanday Simon, Vincent, kag Ilocos Norte Rep. Sandro Marcos sa polling precinct antes ang alas nueve subong nga aga.
Matapos na-check ang ila pangalan sa voter’s list, naglinya na ang apat kaupod ang iban nga mga botante tubtub nga nakaboto antes ang alas 10:00 sa aga.
Nahibaluan nga wala sang kasumpong si Sandro sa iya pagpa-eleher liwat bilang kongresista sa first district sang amo nga probinsya.
Antes nag-abot sa Laaog, gin-updan man sini ang iya amay nga si President Ferdinand Marcos, Jr. nga nagboto sa Mariano Marcos Memorial Elementary School sa Batac. Didto man nga eskwelahan nagboto ang Marcos matriarch nga si former First Lady Imelda Marcos kag utod sang president nga si Irene Marcos.#
