Ginhatagan sang Iloilo City government ang Aboitiz InfraCapital sang original proponent status (OPS) para unsolicited proposal para sa Iloilo Bulk Water Supply Project.
Sa paghatag sang OPS, ang nasambit nga proposal ang ipaidalom sa deliberasyon sang Local Development Council kag sang Iloilo City Council.
Kon maaprubahan, ang proyekto magasaylo sa isa ka Swiss challenge process, sa diin ang iban nga mga interesado nga partido mahimo magsumiter sang competing bids.
Sa interview sang Bombo Radyo kay Iloilo City Mayor Jerry Treñas, iya ginpahayag nga pagkatapos sang maid-id nga paghinun-anon kag maid-id nga pagrepaso, napat-ud sang aton Public Private Partnership Council nga dako ang benepisyo sang proyekto sa syudad.
Suno pa sa alkalde, ang amo nga programa ang nagapasiguro sang tayuyon nga pag-angkon sang matinlo nga tubig para sa tanan.
Nahibaluan nga ang bulk water supply project mahimo nga makahatag sang 86 million liters per day (MLD) sang tubig sa Iloilo City.
