Ginbuyagyag sang kampo ni anay Presidente sang Estados Unidos nga si Joe Biden nga na-diagnose ini nga may agresibo nga porma sang prostate cancer.
Ang iya kampo nagsiling nga ang kanser naglapta sa mga tul-an sang anay presidente.
Suno sa iya, natukiban ang prostate nodule sang nagligad nga semana matapos naka-eksperyensya sang dugang nga urinary symptoms.
Sang Biernes, nagsiling siya nga naguwa ang pag-diagnose sa iya nga mahimo makabig nga Gleason score nga 9 ukon Grad Group 5.
Ginatun-an sang 82-anyos nga anay presidente ang pila ka mga opsyon para sa iya pagbulong.
