Ginkumpirmar sang Buckingham Palace nga nagpadala sang personal nga mensahe si King Charles III kay Former US President Joe Biden kasunod sang balita nga nagasuprer ini sang balatian nga prostate cancer.
Nahibaluan nga nagapaidalom man sa treatment si King Charles sa balatian man nga cancer, apang wala ginpahibalo sa publiko kun ano nga sahi sang cancer.
Sa iya mensahe, ginpaabot niya ang pagbuylog kag suporta sa mga inagihan ni Biden.
Si Biden ang nagaedad sang 82 anyos kag siya ang gin-diagnose nga may Gleason score isa ka agrisibo nga sahi sang prostate cancer.
Suno sa opisyal nga pahayag gikan sa opisina ni Biden, naglapta na ang cancer sa mga tul-an sini, apang ginakabig pa nga hormone-sensitive, rason nga pwede pa ini mabulong.
Madumduman nga sang Lunes, nag-post si Biden sa social media sa una nga higayon matapos ang anunsyo sang iya kondisyon, kag nagpasalamat sa publiko sa padayon nga suporta kag mga mensahe sang pagpakig-upod.
