Atubangon sang Pinay tennis star nga si Alex Eala ang Colombian player nga si Emiliana Arango sa iya labing-una nga pagtapak sa main draw sang French Open.
Matabo ini sa Domingo, Philippine time.
Si Arango naga-edad sang 24-anyos kag nagapang-88 sa rankings sang Women’s Tennis Association (WTA).
Yara sa mas mataas nga posisyon ang 19-anyos nga pambato sang Pilipinas nga sang isa ka adlaw lamang nagsaka sa career-high ranking nga 69.
Ini ang debut ni Eala sa main draw sang nasambit nga women’s singles tournament matapos ang iya third round exit sang nagligad nga tuig. Apisar bag-uhan sa main draw, indi ini ang una nga tion nga makahampang ang Pinay sa Roland Garros bangud kun matandaan nadag-an sini ang juniors doubles trophy kaupod kay Oksana Selekhmeteva sang 2021.
