Temporaryo nga ginadumilian ang pagpasulod sa Pilipinas sang poultry products halin sa Brazil kasunod sang kumpirmado nga mga kaso sang bird flu sa amo nga pungsod sa South America.
Sa Memorandum Order 25 ni Agriculture Secretary Francisco Tiu Laurel Jr., naghatag ini sang otorisasyon sa temporary import ban sa Brazilian poultry products lakip na sa domestic birds, meat, day-old chicks, eggs kag semen.
Tuyo sini nga malikawan nga magsulod ang bird flu virus sa Pilipinas kag maprotektahan man ang health sang local poultry population.
Bangud sini, awtomatiko nga suspendido na ang processing, evaluation kag issuance sang sanitary and phytosanitary import clearance sa Brazilian poultry products.
Ginpasalig man ni Tiu Laurel nga ang ban sa Brazilian poultry products ang indi mag-resulta sa problema sa suplay kag sa pagsaka sa presyo sa mercado.
Pahayag sang tiglikom, mataas ang local production kag mahimo man makapili ang importers sang foreign suppliers kun ma-ban ang nasyon nga ila ginakuhaan sang produkto.
Nahibaluan nga critical poultry meat supplier sang Pilipinas ang Brazil para sa meat processing industry. Naga-suplay ini sang at least 60 percent sa MDM requirement nga isa ka importante nga raw ingredient nga ginagamit sa pag-produce sang food items kaangay sang hot dogs kag meat loaves.
