Ginhatagan sang importansya sang public law experts ang pagkuha sang United States (US) Immigration visa para sa mga Filipino.
Sa interview sang Bombo Radyo kay Atty. Pamela Helen Bitera-Polka, Member of Missouri Bar, USA, iya ginpahayag nga kinahanglan nga sundon ang isa ka partikular nga step-by-step nga proseso depende sa sahi sang visa nga imo gina-aplay—subong sang tourist visa (B-1/B-2), student visa (F-1), ukon work visa.
Suno kay Polka, ang processing time para sa isa ka U.S. fiancé(e) visa (K-1 visa) para sa mga aplikante nga Pilipino kinaandan nga nagalab-ot sa 12 tubtob 18 ka bulan, apang mahimo ini maga-vary depende sa mga workload sa mga immigration office, pagkakompleto sang imo aplikasyon, kag mga backlog sa interview sa U.S. Embassy sa Manila.
Gin-athag man sini nga ang mayor nga kinalain sa tunga sang U.S. immigrant visa kag non-immigrant visa para sa mga Pilipino yara sa katuyuan sang pagbiyahe kag ang kalawigon sang pagtener sa Estados Unidos.
Ginpahayag man sang natungdan nga ang pagka-angkon sang U.S. green card (lawful permanent resident status) nagahatag sang madamo kag mapuslanon nga benepisyo para sa mga Pilipino.
Ginatugutan sini ang isa ka Pinoy nga mag-istar, magtrabaho, kag magtukod sang future sa Estados Unidos nga may mas madamo nga kahilwayan kag oportunidad sangsa mga nagahupot sang temporaryo nga visa.
Mahimo naman mag-aplay para sa isa ka U.S. green card paagi sa isa ka utod ukon sibling, apang ini isa ka malawig kag madamo nga backlogged nga proseso.
Mahimo naman ang mga Pilipino nga mag-apply para sa U.S. visa online, apang ang proseso nagalakip sang madamo nga mga tikang, lakip ang mga forms sa online, pagbayad sang balayran, kag mga appointment sa personal.
Suno kay Atty. Janette Mae Dillomes-Dixon, Member sang Alabama Bar, USA, iya ginpahayag nga bisan pa ang una nga aplikasyon kag ang pag-iskedyul sang appointment online, kinahanglan sa gihapon nga magtambong sa mga appointment sa Visa Application Center (VAC) kag sa U.S. Embassy sa Manila para sa biometrics kag mga interview.
Ini ang nagakahulugan nga ang pagbiyahe kag ang tion sa trabaho mahimo nga kinahanglanon gihapon.
