Nagpanugyan ang public health expert sa publiko nga ipabilin ang healthy lifestyle agud nga malikawan ang makaangkon sang hypertension ukon high blood pressure.
Sa interview sang Bombo Radyo kay Dr. Philip Ian Padilla, Assistant to the Director for the Philippines Genome Center, iya ginpahayag nga agod malikawan ang hypertension, importante nga i-maintain ang healthy lifestyle.
Nagalakip ini sang pagkaon sang balance diet nga manubo sa asin kag saturated fats. Ang regular nga pisikal nga aktibidad makabulig man sa pag-maintain sang imo presyon sang dugo.
Suno kay Padilla, ang paglikaw sa sobra nga pag-inom sang alkohol kag pag-untat sa pagpanigarilyo amo man ang mga yabi nga tikang.
Dugang pa, ang pagdumala sang stress kag pag-maintain sang isa ka healthy nga kabug-aton ang makapanubo sang risgo nga mag-angkon sang high blood.
Nagpangabay man ini sa publiko nga regular nga magpa-checkup sa isa ka healthcare provider agud nga mabantayan ang blood pressure kag pag-angkon sang bisan ano nga mga problema sa ikaayong-lawas.
