Nagkalaguba ang pila ka mga balay sa Brgy. Zamora Milleza, Iloilo City Proper matapos nga nadagdagan sang sanga sang puno sang lunok.
Sa interview sang Bombo Radyo kay Kagawad Yuri Villanueva sang Brgy. Zamora Milleza, iya ginpahayag nga apat ka pamilya ang apektado kasunod sang insidente.
Suno kay Villanueva, ang mga balay ang human sa concrete apang ang sa babaw nga parte sini ang human sa light materials rason nga gilayon nga naguba.
Ginpahayag man sini nga maayo lamang nga halos wala sang tawo sa ibabaw nga parte sang balay sang nabali ang sanga.
Dugang sang natungdan, ginkakibot na lamang sang mga residente sa lugar ang hinali nga paglagapok sang sanga sang puno sang lunok.
Wala naman sang may nasamaran sa amo nga insidente.
