Ipasaka buwas nga adlaw ang kaso nga attempted rape batok sa nagtuyo nga maghimulos sa 19-anyos nga pasahero sini sang Mayo 18 sa Brgy. Pulo Maestra Vita, Oton, Iloilo.
Sa interview sang Bombo Radyo kay Police Captain Lunelyn Talamillo, deputy chief of police sang Oton Municipal Police Station, iya ginpahayag nga may yara na sang kongkreto nga ebidensya ang talatapan agud ipasaka ang nasambit nga panumbungon.
Suno kay Talamillo, nagsanto ang ila person of interest sa tawo nga amo ang ginpa-verify sa Land Transportation Office (LTO) Region 6 nga nagapanag-iya sang plate number sang motorsiklo nga gingamit sang rider.
Dugang sini nga may tracker team sila agud ma-monitor kag madakpan ang rider pananglitan madagdag na sang korte nga warrant of arrest.
Nahibaluan nga na-identify man sang dalaga ang itsura sang rider kag ginkumpormehan man sang testigo nga amo ang nakabulig sa amo nga babaye sang gintuyo ini nga i-rape. Desidido man ang kampo sang babaye nga ipadayon ang pag-file sang panumbungon.
