Wasak ang bumper sang pribado nga salakyan matapos makabunggo sa metal railings sa dalan sang General Luna, City Proper.
Ang driver amo si Alyas Jay L, legal ang pang-edaron, negosyante, kag residente sang Lapuz Norte, Iloilo City.
Sa interview sang Bombo Radyo kay Police Executive Master Sergeant Jeremy Minerva, Traffic investigator, iya ginpahayag nga papuli na kuntani sa ila puluy-an ang driver halin sa San Joaquin sang nadulaan ini sang control kag nakabunggo sa metal railings sa tunga sang karsada.
Base sa imbestigasyon sa kapulisan nga napiyungan ang driver.
Maswerte naman nga wala sang may naagum nga pilas ang driver kag nagpauli nalang samtang ginahulat nga makuha ang salakyan bangud indi ini maliso.
Kompleto naman sa dokumento ang salakyan.
Text by: Bombo Pauline Pillora
