Ginadayaw sang maritime community si Captain Roybel Sualibios Tabobo, kapitan sang barko nga MV HAN YI, bangud sang iya pagkabaganihan sa tunga sang krisis sa kadagatan.
Si Capt. Tabobo ang nagpanguna sa madinalag-on nga rescue operation sa mga Pilipino kag iban pa nga seafarers halin sa MSC ELSA 3, nga nagkapan malapit sa baybayon sang Kochi, India.
Ang MSC ELSA 3 nakasugata sang malain nga kondisyon sang panahon, kabangdanan nga naguba ang pila nga parte sang barko kag nagresulta sang pagkapan sini.
Sa subong, yara na sa maayo nga kahimtangan ang tanan nga narescue.
Nagpasalamat naman ang pamilya sang mga na-rescue kag komunidad sa kaisog sang Ilonggo nga si Capt. Tabobo kag kaupdanan sini sa pagresponde sa nasambit nga insidente.
Nahibaluan nga natabo ang insidente sang Mayo 25, 2025.
