Nakabulsa sang gold medal kag naghimo pa sang bag-o nga rekord sa Palarong Pambansa ang tumandok sang Valderrama, Antique nga si Josh Gabriel Salcedo.
Si Salcedo sang Antique Vocational School ang nagpangibabaw sa Discus Throw Secondary Boys Finals.
Nakahimo ini sang bag-o nga record nga 45.52 meters nga amo ang nagguba sa nauna nga Palaro record nga 42.86 meters nga gin-set sang tiglawas man sang Western Visayas nga si Airex Villanueva sang nagpasakop ini sa kumpetisyon sa Marikina City sang 2023.
Ini ang una nga tion nga nakahampang sa Palaro si Salcedo.
Santo sa ginpakigbahin sang Department of Education Western Visayas, handum niya ini kag sang iya amay nga makabig man anay nga Palaro stand-out sa throwing events.
Sang nagdaog si Salcedo sa Laoag, Ilocos Norte, nakit-an nga emosyonal ini samtang ginahakos ang iya Papa nga nag-upod gid sa iya.
Pormal nga nagbukas ang Palarong Pambansa 2025 sang Sabado, Mayo 24, kag magatakop sa Lunes, Hunyo 2.#
(Photos: DepEd Western Visayas)
